បាត់ដំបង៖ រយៈពេល ៣ថ្ងៃនៃពិធីបុណ្យចូលឆ្នាំថ្មីប្រពៃណីចិន-វៀតណាម ខេត្តបាត់ដំបងមានភ្ញៀវទេសចរជាតិ និង អន្តរជាតិ បានចូលមកលេងនៅតាមគោលដៅលំហែរនានាសរុបមានចំនួន ៧៧ ១៩០នាក់។
យោងតាមរបាយការណ៍ពីមន្ត្រីទេសចរណ៍ខេត្តបាត់ដំបងបានបញ្ជាក់ថា ចំនួនភ្ញៀវទេសចរ នាឱកាសនៃពិធីបុណ្យចូលឆ្នាំប្រពៃណីជាតិចិន និងវៀតណាម រយៈពេល ៣ថ្ងៃនៃថ្ងៃចូលឆ្នាំចិនថ្ងៃទី២១ ២២ និង២៣ ខែមករា ឆ្នាំ២០២៣ នេះ មានភ្ញៀវទេសចរជាតិចំនួន ៧៦ ៤៩៤នាក់ និងទេសចរអន្តរជាតិមាន ចំនួន ៦៩៦នាក់។
តាមរបាយការណ៍ដដែល សម្រាប់ថ្ងៃសែនចូលឆ្នាំថ្ងៃទី២១ មានភ្ញៀវទេសចរចំនួន ១១ ២៩០នាក់ ក្នុងនោះភ្ញៀវទេសចរជាតិមាន ១១ ០៦៨នាក់ និងទេសចរអន្តរជាតិមាន ២២២នាក់។ សម្រាប់ថ្ងៃទី២២ មាន ៣៨ ៧៩០នាក់ ក្នុងនោះភ្ញៀវទេសចរជាតិមាន ៣៨ ៥៦៤នាក់ និងទេសចរអន្តរជាតិមាន ២២៦នាក់ ហើយសម្រាប់ថ្ងៃទី២៣ មាន ២៧ ១១០នាក់ ក្នុងនោះភ្ញៀវទេសចរជាតិមាន ២៦ ៨៦២នាក់ និងទេសចរអន្តរជាតិមាន ២៤៨នាក់៕
